Аляксандр Сцяпанавіч Галавачоў

Аляксандр Сцяпанавіч Галавачоў
Дата нараджэння	15 чэрвеня 1935(1935-06-15) (89 гадоў)
Месца нараджэння	Недайка, Губіцкі сельсавет, Буда-Кашалёўскі раён, БССР, СССР
Грамадзянства	БССР  Беларусь
Род дзейнасці	эканаміст, выкладчык універсітэта
Месца працы	Беларускі дзяржаўны інстытут народнай гаспадаркі імя В. У. Куйбышава Акадэмія кіравання пры Прэзідэнце Рэспублікі Беларусь Мінскі інавацыйны ўніверсітэт
Навуковая ступень	доктар эканамічных навук (1988)
Навуковае званне	прафесар акадэмік Беларускай інжынернай акадэміі
Альма-матар	Беларускі тэхналагічны інстытут імя С. М. Кірава (1963)
Узнагароды

Алякса́ндр Сцяпа́навіч Галавачо́ў (нар. 15 чэрвеня 1935, в. Недайка, Буда-Кашалёўскі раён, Гомельская вобласць) — беларускі навуковец-эканаміст, педагог. Доктар эканамічных навук (1988), прафесар (1990). Заслужаны работнік адукацыі Беларусі (2001). Акадэмік Беларускай інжынернай акадэміі (1997).

Біяграфія

Скончыў Беларускі тэхналагічны ўніверсітэт (1963). З 1953 года працаваў у сістэме лясной гаспадаркі Беларусі. З 1968 года ў Беларускім эканамічным універсітэце (у 1988—1991 гг. загадчык кафедры). У 1978—1980 гг. і 1983—1985 гг. дарадца-кансультант пра Міністэрстве вышэйшай адукацыі Кубы. З 1991 года ў Акадэміі кіравання пры Прэзідэнце Рэспублікі Беларусь (загадчык кафедры, у 1993—1999 гг. прарэктар). З 2003 года ў Мінскім інстытуце кіравання (Мінскі інавацыйны ўніверсітэт).

Аўтар навуковых прац па праблемах адукацыі ў Беларусі, прадукцыйнасці працы, развіцця банкаўскай справы і грашова-крэдытнай палітыкі, сацыяльнай арыентацыі эканамічнай сістэмы, прыватызацыі, рыначнай эканомікі. Аўтар шэрагу навучальных дапаможнікаў для ВНУ.

Літаратура

• Галавачоў Аляксандр Сцяпанавіч // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1). С. 367